10 მაისი, 2014
9 მაისს, ტელეკომპანია იმედის გადაცემა „რეაქციაში“ კოალიცია „ქართულმა ოცნებამ“ თბილისის საკრებულოს მაჟორიტარი დეპუტატობის კანდიდატები წარადგინა. გადაცემაში მხარდამჭერებთან ერთად მონაწილეობდნენ: საქართველოს პრემიერ მინისტრი ირაკლი ღარიბაშვილი, პარლამენტის თავმჯდომარე დავით უსუფაშვილი, ვიცე პრემიერი და კოალიცია „ქართული ოცნების“ შტაბის ხელმძღვანელი კახა კალაძე, კოალიციის თბილისის მერობის კანდიდატი დავით ნარმანია, მინისტრები, პარლამენტის წევრები და კოალიცია „ქართული ოცნების“ მერობის კანდიდატები.
